Жеңіл өнеркәсіп бұйымдарының технологиясы және құрастырылуы

Кәсіптік қызметте экономика, кәсіпкерлік, құқық, сыбайлас жемқорлыққа қарсы мәдениет және қаржылық сауаттылық негіздерін білуді қолданады

Кәсіби қызмет саласында заманауи техникамен, ақпараттық, цифрлық технологиялармен және жасанды интеллектпен жұмыс істеу дағдыларын көрсетеді

Киім индустриясы саласындағы кәсіби мәселелерді шешуде жаратылыстану пәндерінің негізгі заңдарын, математикалық талдау және модельдеу әдістерін қолданады

Текстиль және былғарыдан жасалған киімнің химиялық технологиясы саласындағы қолданбалы есептерді шешудің физика-химиялық әдістері туралы білімдерін көрсетеді

 Шығармашылық және техникалық ойлауға, түстану қағидаттарына, композицияға, сондай-ақ сәнді және тарихи костюмді талдауға негізделген киім үлгілерінің эскиздерін әзірлейді

Ғылыми зерттеу әдістерін қолдана отырып, материалдардың, былғары, үлбір және жеңіл өнеркәсіп бұйымдарының және дене бітімдер типологиясының сапа көрсеткіштерінің жай-күйі мен серпініне талдау жүргізеді

Киім индустриясының кәсіби қызметінде ғылыми зерттеулер мен академиялық жазу әдістерін білуді қолданады, академиялық адалдық мәдениеті, ғылыми этика қағидаларын ұстана отырып, пайымдауларды қалыптастыру үшін, ақпаратты жинауды және түсіндіруді жүзеге асырады

Жеңіл өнеркәсіп кәсіпорындарында өмір қауіпсіздігін, еңбекті қорғау стандарттарын және экожүйелер мен қоғамның тұрақты даму стратегиясын қамтамасыз етуді басқарады

Утилитарлық-техникалық, көркемдік-эстетикалық, гигиеналық, экономикалық параметрлерді ескере отырып, бұйымдардың жобалық-конструкторлық құжаттамасын дайындайды, бұйымның дизайн-жобасының сәйкестігіне авторлық бақылауды және өнімді нарықта ілгерілетуге жәрдемдесуді жүзеге асырады

Матадан және бейтоқыма материалдар, трикотаж, үлбір, былғарыдан жасалған киімді, сондай-ақ аяқ киімдерді, аксессуарларды және былғарыдан жасалған бұйымдарды құрастыру, макеттеу, дайындау, безендіру бойынша классикалық және инновациялық технологияларды пайдалана отырып кәсіби қызметті жүзеге асыру қабілетін көрсетеді

Киім, аяқ киім, үлбір, тері және түрлі мақсаттағы былғары галантерея бұйымдарын өндірудің технологиялық процестерін басқарады

Қауіпсіздік техникасының талаптарына сәйкес жеңіл өнеркәсіп кәсіпорындарында заманауи технологиялық жабдықтардың әртүрлі түрлерін тиімді пайдаланады

Дәстүрлі және дәстүрлі емес материалдардан тігін өндірісін жобалау, тігін бұйымдарын, былғары киімді, аяқ киімді, аксессуарларды және былғары галантереяны жобалау және дайындау кезінде өндірістік жүйелерді автоматтандыру, цифрландыру  саласындағы білімді қолданады

Ассортиментті, қызмет көрсету сапасын басқару, ұйымдастыру және жоспарлау дағдыларын қолданады және кәсіпорындардың шығаратын өнімдерінің сапасын бақылауды жүзеге асырады

Жеңіл өнеркәсіп пен сән индустриясының бәсекеге қабілетті бұйымдарын (киім, аяқ киім, үлбір және былғары бұйымдары) жасауға және Қазақстан Республикасы халқының бәсекеге қабілетті өніммен қамтамасыз етілуіне бағытталған жобалау-конструкторлық, өндірістік, инновациялық қызмет

Тігін бұйымдарын құрастыру:

• сәннің перспективалық бағыты немесе шығармашылық көзі негізінде жеңіл өнеркәсіп бұйымдардың көркем-конструктивті шешімдерінің эскиздерін жасау;
• үлгінің эскизі бойынша маталар мен қолданбалы материалдарды таңдау негізінде конфекциялық картаны әзірлеу;
• үлгінің техникалық суретін орындау;
• жеңіл өнеркәсіп бұйымдарының негізгі конструкцияларының сызбаларын қолмен және АЖЖ көмегімен әртүрлі жобалау әдістеріне сәйкес әзірлеу;
• қолмен және автоматтандырылған жобалау көмегімен жеңіл өнеркәсіп бұйымдарын конструктивті модельдеуді жүзеге асыру;
• қолмен және автоматтандырылған жобалау көмегімен лекалдың (шаблонның) түрлерін жасау және олардың градацияларын орындау, өлшемдер табелін әзірлеу;
• жеңіл өнеркәсіп бұйымдарын өндірудің әрбір кезеңінде конструкторлық шешімдердің іске асырылуына авторлық қадағалауды жүзеге асыру.

Жеңіл өнеркәсіп кәсіпорындарында технологиялық процестерді дайындау және ұйымдастыру:

• тігін кәсіпорнын жобалау;
• жеңіл өнеркәсіп бұйымдарын өндірудің ұтымды әдістері мен технологиялық режимдерін таңдау;
• нормативтік құжаттарға сәйкес іске қосылатын модельге еңбекті бөлудің технологиялық бірізділік пен схемасын жасау;
• автоматтандырылған жобалау көмегімен лекалдардың (шаблондардың) үнемді жаймасын орындау;
• шығарылатын өнімнің техникалық бағалаудың сапасын іске асыру;
• әртүрлі мақсаттағы киім, аяқ киім, былғары, үлбір және былғары бұйымдарын өндірудің технологиялық процестерін дайындау, жоспарлау және тиімді басқару.

тігін бұйымдары, аяқ киім, былғары, үлбір, былғарыдан жасалған галантерейлік бұйымдар, жобалау және модельдеу процестері, сондай-ақ компьютерлік технологияларды қолдана отырып, жеңіл өнеркәсіп бұйымдарын өндірудің технологиялық процестері;

нормативтік-техникалық құжаттама және стандарттау жүйелері, сынау әдістері мен құралдары, жеңіл өнеркәсіп материалдары мен бұйымдарының сапасын бақылау.